ELBIT–GATE Si u fut Shqipëria në një marrëveshje të errët qindra milionë dollarëshe me kompaninë izraelite të pezulluar nga NATO
Nga Redaksia:
Skandali më i madh i dekadës nuk erdhi as nga inceneratorët, as nga rrugët, as nga tenderat e përditshëm të oligarkëve. Ai erdhi nga zemra e shtetit shqiptar: armatimi, mbrojtja, sovraniteti kombëtar.
Në korrik, qeveria e Edi Ramës nënshkroi një marrëveshje ushtarake që publikisht u shit si “bashkëpunim mes dy shteteve”, por që sot është zbuluar si një kontratë sekrete qindra milionë dollarësh me Elbit Systems, një kompani e cila është pezulluar nga struktura të NATO-s për çështje korrupsioni.
Dhe pikërisht ky fakt e shndërron këtë histori në një mega-skandal që shkon shumë përtej një marrëveshjeje ushtarake.
Kjo është skema klasike e pushtimeve moderne:
Fillimisht marrin armatimin, më pas tokën, ekonominë dhe institucionet.
SI PUSHTIM FASHIST – MERR ARMA, PASTAJ VENDIN
Kjo që po ndodh me Shqipërinë ngjan me skenarin e viteve ’30:
Kontrolli i armatimit është hapi i parë i çdo pushtimi të heshtur.
Sot armët e ushtrisë shqiptare nuk kontrollohen më nga shteti, por nga një konzorc i lidhur me oligarkinë globale Soros–Rama, me Izraelin, me fondacione të “Shoqërisë së Hapur” dhe me kompani që qarkullojnë miliarda në tregtinë ndërkombëtare të armatimit.
Aty ku dikur ndodhej Republika e Shqipërisë, po shtrihet ngadalë një projekt i ri:
Izraeli i Ri i Ballkanit – një laborator ushtarak dhe gjeopolitik, me Ballkanin si zonë eksperimentimi të elitave globale.
MARRËVESHJA E MBULUAR, KONTRATA SEKRETE PAS SHPINËS SË SHQIPTARËVE
Në dokumentin e qeverisë, ministri i Mbrojtjes, Pirro Vengu, firmosi një marrëveshje që dukej krejt e zakonshme: bashkëpunim në fushën e mbrojtjes, trajnim, shkëmbim informacioni.
Por Haaretz, një nga gazetat më të mëdha izraelite, zbuloi se:
Marrëveshja nuk ishte shtet me shtet, por qeveria shqiptare ka nënshkruar një kontratë të fshehtë me kompaninë private Elbit Systems.
Kontrata përfshin murtaja të rënda, dronë ushtarakë, dhe armatim strategjik, duke e futur Shqipërinë në një zinxhir të rrezikshëm të industrisë globale të luftës.
Elbit do të hapë gjithashtu Shkollën e Aviacionit në Vlorë, pra një bazë të re ushtarake de facto.
NATO ka pezulluar Elbit për korrupsion dhe shkelje të rënda në tendera.
Për Shqipërinë, kjo nuk ishte problem – përkundrazi, ishte mundësi.
PARATË PO RRJEDHIN – BUXHETI NË SHËRBIM TË KOMPANIVE TË ERRËTA
Vetëm pak javë pas firmës, buxheti shqiptar nisi injektimin e parave publike drejt kompanive të lidhura me Elbit.
Portali Kapitali publikoi pagesat e para:
10.5 milionë euro drejt Timak Defence – kompania shqiptaro-izraelite që shërben si ndërmjetëse.
Këto janë vetëm fatura të vogla të projektit gjigant.
Në letër thuhet se do të prodhohen dhe montohen:
- armë zjarri të kalibrit të vogël e të mesëm,
- dronë ushtarakë,
- sisteme optike e balistike,
- pajisje taktike për ushtrinë dhe policinë.
Pra, Shqipëria po shndërrohet në magazinë rajonale të produkteve të luftës, një territor për të prodhuar, eksportuar dhe testuar armatime.
KORRUPSIONI I DEKADËS – INCENERATORËT DUKEN SI LODRA FËMIJËSH
Nëse këto kontrata publikohen të plota, do të dalë në pah një mega-biznes që shkon:
✔ Nga qindra miliona në miliarda euro
✔ Me ndërmjetës privatë të lidhur politikisht
✔ Me mbështetje të Fondacionit Soros në strukturimin e reformave që mundësuan këto marrëveshje
✔ Me përfshirje të drejtpërdrejtë të Ramës në negocimet e mbyllura
Dhe atëherë do të kuptohet qartë:
Inceneratorët ishin një aperitiv.
Elbit-Gate është vakti kryesor i korrupsionit modern shqiptar.
Këtu nuk kemi më thjesht vjedhje parash.
Kemi dorëzim të sovranitetit ushtarak, kontroll të armatimit, depërtim të interesave të huaja mbi territor dhe ushtri.
Shqipëria nuk po militarizohet –
po privatizohet nga një elitë globale që kërkon kontroll total.
QEVERIA E HESHTUR, SHQIPTARËT PA ZË
Ndërsa Parlamenti hesht, opozita merret me sherre, ndërsa mediat e kapura nuk nxjerrin asnjë fjalë, Shqipëria po futet në një skemë të errët ku:
Armatimi kontrollohet nga kompani të huaja
Buxheti rrjedh drejt korporatave të pezulluara nga NATO
Territori i vendit përdoret për projekte të fshehta ushtarake
Sovraniteti po zhduket centimetër pas centimetri
Elbit–Gate nuk është vetëm skandal – është alarm kombëtar.
Po vijon puna për të nxjerrë dokumentat, kontratat si dhe faktet që pushteti kërkon t’i fshehë. /Kapitali